என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "ஹார்லி டேவிட்சன்"
- ஹார்லி டேவிட்சன் நிறுவனம் அடுத்த ஆண்டு துவக்கத்திலேயே புது மோட்டார்சைக்கிள் மாடல்களை வெளியிட இருக்கிறது.
- புது மாடல்கள் வெளியீட்டுக்கு முன் அவற்றின் விவரங்கள் இணையத்தில் வெளியாகி வருகின்றன.
ஹார்லி டேவிட்சன் நிறுவனம் 2023 மோட்டார்சைக்கிள் மாடல்களை ஜனவரி 18 ஆம் தேதி அறிமுகம் செய்ய இருக்கிறது. வெளியீட்டுக்கு இன்னும் சில தினங்களே உள்ள நிலையில், நைட்ஸ்டர் S மாடலின் புகைப்படங்கள் இணையத்தில் லீக் ஆகி இருக்கிறது. புதிய ஹார்லி டேவிட்சன் நைட்ஸ்டர் S மாடலும் நைட்ஸ்டர் மாடல் உருவான பிளாட்ஃபார்மிலேயே உருவாக்கப்பட்டு இருக்கிறது.
எனினும், புதிய நைட்ஸ்டர் S மாடலின் வெளிப்புறம் மாற்றங்கள் செய்யப்பட்டு இருக்கும் என தெரிகிறது. அதன்படி புதிய நைட்ஸ்டர் S மாடலில் பில்லியன் சீட் மற்றும் பில்லியன் ஃபூட்ரெஸ்ட் வழங்கப்படுகிறது. நைட்ஸ்டர் ஸ்டாண்டர்டு எடிஷன் மாடலில் இவை இரண்டும் இடம்பெற்று இருக்காது. மேலும் புதிய நைட்ஸ்டர் S மாடல் சற்றே வித்தியாசமான வீல்களை கொண்டிருக்கும் என தெரியவந்துள்ளது.
மேலும் இந்த மாடல் கிலாஸ் பெயிண்ட் மற்றும் அசத்தலான கிராஃபிக்ஸ் வழங்கப்படுகிறது. வெளிப்புறம் மாற்றப்பட்டு இருக்கும் நிலையில், நைட்ஸ்டர் S மாடலில் 975சிசி, வி ட்வின் என்ஜின் வழங்கப்படுகிறது. இந்த என்ஜின் 90 ஹெச்பி பவர், 94 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இவைதவிர இந்த மாடலின் மெக்கானிக்கல் அம்சங்களில் எந்த மாற்றமும் இருக்காது என்றே தெரிகிறது.
Photo Courtesy: motorcycle.com
- ஹார்லி டேவிட்சன் நிறுவனத்துடன் இணைந்து மோட்டார்சைக்கிள் உருவாக்குவதை ஹீரோ மோட்டோகார்ப் உறுதிப்படுத்தி இருக்கிறது.
- புது இருசக்கர வாகனங்களை அறிமுகம் செய்யும் வகையில் இரு நிறுவனங்கள் இடையே ஒப்பந்தம் கையெழுத்தாகி இருக்கிறது.
ஹார்லி டேவிட்சன் நிறுவனத்துடன் இணைந்து உருவாக்கிய முதல் மோட்டார்சைக்கிள் 2024 மார்ச் மாத வாக்கில் அறிமுகம் செய்யப்படும் என ஹீரோ மோட்டோகார்ப் அதிகாரப்பூர்வமாக அறிவித்து இருக்கிறது. இந்திய இருசக்கர வாகன உற்பத்தியாளரான ஹீரோ மோட்டோகார்ப் புதிதாக பிரீமியம் மோட்டார்சைக்கிள் மாடலை அறிமுகம் செய்யும் திட்டம் பற்றியுடம் தகவல் வெளியிட்டு உள்ளது.
அடுத்த இரு ஆண்டுகளில் அதிக வாடிக்கையாளர்களை கவரும் வகையிலும், பிரீமியம் பிரிவில் புது மாடல்களை அறிமுகம் செய்ய திட்டமிட்டுள்ளதாக ஹீரோ மோட்டோகார்ப் நிறுவனத்தின் தலைமை நிதி அலுவலர் நிரன்ஜன் குப்தா முதலீட்டாளர் கூட்டத்தில் தெரிவித்து இருப்பதாக கூறப்படுகிறது. இத்துடன் ஹார்லி டேவிட்சன் உடன் இணைந்து புது பிளாட்ஃபார்ம் உருவாக்கப்பட்டு வருவதாகவும் அவர் மேலும் தெரிவித்தார்.
இரு நிறுவனங்கள் கூட்டணியில் உருவாகும் புது மோட்டார்சைக்கிள் மிடில்வெயிட் பிரிவில், 350சிசி திறன் கொண்டிருக்கும். மேலும் இந்த மாடல் ராயல் என்பீல்டு வாகனங்களுக்கு போட்டியை ஏற்படுத்தும் வகையில் உருவாக்கப்பட்டு இருக்கிறது. இந்த மாடலை உருவாக்கும் பணிகள் இறுதிக்கட்டத்தை அடைந்துள்ளன. புது மாடல் ஹார்லி டேவிட்சன் விற்பனையகம் மூலம் விற்பனை செய்யப்பட இருக்கிறது.
இந்திய சந்தையில் இருந்து வெளியேறியதை தொடர்ந்து ஹீரோ மோட்டோகார்ப் நிறுவனம் ஹார்லியின் விற்பனை மற்றும் சர்வீஸ் பிரிவை கவனித்து வருகிறது. மேலும் நாடு முழுக்க டீலர்கள் எண்ணிக்கையை அதிகப்படுத்தி வருகிறது. அடுத்த ஆண்டு வாக்கில் ஹீரோ மோட்டோகார்ப் நிறுவனத்தின் எக்ஸ்டிரீம் 300S மற்றும் எக்ஸ்-பல்ஸ் 400 போன்ற மாடல்கள் அறிமுகம் செய்யப்படும் என நிரன்ஜன் தெரிவித்தார்.
- ஹார்லி டேவிட்சன் நிறுவனம் இந்திய சந்தையில் தனது மோட்டார்சைக்கிள் விலையில் திடீர் மாற்றம் செய்து இருக்கிறது.
- புது மாற்றத்தின் படி ஹார்லி பைக் விலை இந்தியாவில் அமலுக்கு வந்து இருக்கிறது.
ஹார்லி டேவிட்சன் நிறுவனம் இந்திய சந்தையில் தனது பேன் அமெரிக்கா மோட்டார்சைக்கிள் விலையில் திடீர் மாற்றத்தை ஏற்படுத்தி இருக்கிறது. இந்தியாவில் இரண்டு வேரியண்ட்களில் விற்பனை செய்யப்படும் ஹார்லி டேவிட்சன் பேன் அமெரிக்கா 1250 மாடல்களின் விலை தற்போது ரூ. 4 லட்சம் வரை குறைக்கப்பட்டு இருக்கிறது.
விலை மாற்றத்தின் படி ஹார்லி டேவிட்சன் பேன் அமெரிக்கா 1250 ஸ்டாண்டர்டு மாடல் விலை ரூ. 16 லட்சத்து 90 ஆயிரத்தில் இருந்து தற்போது ரூ. 12 லட்சத்து 91 ஆயிரம் வரை உயர்த்தப்பட்டு உள்ளது. பேன் அமரிக்கா 1250 ஸ்பெஷல் மாடல் விலை ரூ. 21 லட்சத்து 11 ஆயிரத்தில் இருந்து தற்போது ரூ. 17 லட்சத்து 11 ஆயிரம் என குறைக்கப்பட்டு இருக்கிறது.
தற்போது விலை குறைக்கப்பட்டு இருக்கும் மாடல்கள் 2021 ஆண்டை சேர்ந்தது என்பதோடு இந்த மாடல்கள் குறைந்த யூனிட்களே விற்பனைக்கு கிடைக்கின்றன. அட்வென்ச்சர் மோட்டார்சைக்கிள் மாடலான பேன் அமெரிக்கா 1250 மாடலில் 1252 சிசி, வி ட்வின் லிக்விட் கூல்டு மோட்டார் வழங்கப்பட்டு உள்ளது.
இந்த என்ஜின் 150.19 ஹெச்பி பவர், 128 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. ஹார்லி டேவிட்சன் பேன் அமெரிக்கா 1250 மாடலில் அட்பாடிவ் லைட்கள், டயர் பிரெஷர் மாணிட்டரிங் சிஸ்டம், அடாப்டிவ் ரைடு ஹைட், ஸ்போக்டு வீல்கள், செமி ஆக்டிவ் சஸ்பென்ஷன் போன்ற அம்சங்கள் உள்ளன.
இந்திய சந்தையில் இந்த பிரிவில் கிடைக்கும் பிஎம்டபிள்யூ 850GS, டிரையம்ப் டைகர் 900 GT உள்ளிட்ட மாடல்களை விட ஹார்லி டேவிட்சன் பேன் அமெரிக்கா 1250 விலை குறைக்கப்பட்டு இருப்பது பயனர்களுக்கு நிச்சயம் மகிழ்ச்சியை அளிக்கும்.
- ஹார்லி டேவிட்சன் நிறுவனத்தின் புதிய நைட்ஸ்டர் மோட்டார்சைக்கிள் மூன்று விதமான நிறங்களில் கிடைக்கிறது.
- இந்த மாடலில் சக்திவாய்ந்த 975சிசி, லிக்விட் கூல்டு என்ஜின் வழங்கப்பட்டு இருக்கிறது.
ஹீரோ மோட்டோகார்ப் மற்றும் ஹார்லி டேவிட்சன் இந்தியா இணைந்து முற்றிலும் புதிய நைட்ஸ்டர் மோட்டார்சைக்கிளை இந்திய சந்தையில் விற்பனைக்கு அறிமுகம் செய்துள்ளன. புதிய ஹார்லி டேவிட்சன் நைட்ஸ்டர் மாடல் விலை ரூ. 14 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.
இந்தியாவில் ஹார்லி டேவிட்சன் நிறுவன மோட்டார்சைக்கிள், பாகங்கள் மற்றும் அக்சஸரீக்களை அதிகாரப்பூர்வமாக வினியோகம் செய்யும் பொறுப்பை ஹீரோ மோட்டோகார்ப் ஏற்று நடத்தி வருகிறது. புதிய ஹார்லி டேவிட்சன் மாடல் முழுமையாக உருவாக்கப்பட்ட நிலையில், இந்தியாவுக்கு இறக்குமதி செய்யப்பட உள்ளன.
இந்த மாடலுக்கான முன்பதிவு துவங்கி நடைபெற்று வருகிறது. இந்த மாடல் ஒற்றை வேரியண்ட் மற்றும் மூன்று விதமான நிறங்களில் கிடைக்கிறது.
விலை விவரங்கள்:
ஹார்லி டேவிட்சன் நைட்ஸ்டர் விவிட் பிளாக் ரூ. 14 லட்சத்து 99 ஆயிரம்
ஹார்லி டேவிட்சன் நைட்ஸ்டர் கன்ஷிப் கிரே ரூ. 15 லட்சத்து 13 ஆயிரம்
ஹார்லி டேவிட்சன் நைட்ஸ்டர் ரெட்லைன் ரெட் ரூ. 15 லட்சத்து 13 ஆயிரம்
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன.
இந்த மாடலில் ஹார்லி டேவிட்சன் நிறுவனத்தின் ரெவல்யுஷன் மேக்ஸ் 975T, 975சிசி, லிக்விட் கூல்டு, வி-ட்வின் என்ஜின் வழங்கப்பட்டு இருக்கிறது. இந்த என்ஜின் 89 ஹெச்பி பவர், 95 நியூட்டன் மீட்டர் டார்க் இழுவிசையை வெளிப்படுத்துகிறது. மேலும் 41 மில்லிமீட்டர் ஷோவா முன்புற போர்க்குகள், ட்வின் ரியர் ஸ்ப்ரிங்குகள், இரு டயர்களிலும் சிங்கில் டிஸ்க் பிரேக்குகள் உள்ளன.
இத்துடன் மூன்று வித ரைடிங் மோட்கள், ஏபிஎஸ், என்ஜின் பிரேக்கிங் கண்ட்ரோல், டிராக்ஷன் கண்ட்ரோல் சிஸ்டம் போன்ற அம்சங்கள் வழங்கப்பட்டுள்ளன.
Many @harleydavidson owners plan to boycott the company if manufacturing moves overseas. Great! Most other companies are coming in our direction, including Harley competitors. A really bad move! U.S. will soon have a level playing field, or better.
— Donald J. Trump (@realDonaldTrump) August 12, 2018
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்